PONNJE: Goenche better eupi Purtugalache bottik mukhel montri Digamber Kamat evkar diupak ghelo zalear tacho porinnam taka bhogcho podtolo oxem BJPn kal mhuntlam.
BJPche prodesh odheox Laxmikant Parshekaran kal hi xitkaunni ditanam mhuntlem: Jea Purtugezani Goencher sumar 450 vorsam Raj kelem tanche bottik mukhel montri evkar diupkak vochop mhollear lojechi gozal. Oslea mukhel montreak fuddlea mhoinean than zaupi swotontraecho bhangara maha utsovant bhag gheunk diuncho nhoi.
Purtugalache bottik eukar diupka vochpacho nirnnoi mukhel montri Digamber Kamatan fattim ghetlo, sangon apleak Delhi vochonk poddlem tea passot ho nirnnoi fattim ghetlo mhunnon.
Hea sombhondan Mukhel montreak vincharlem tedna tannem sanglem aplo bottir vochpacho nirnnoi fattim ghetlo mhunnon. Aple bhettechi vad zait achi apleak kolpona nasli. Mukhar tannem oxeim mhuntlem ki apleak Delhint kaim motvachem kam aslelean apnnem Delhi vochpak tharoilam mhunnon.
Kaim lokanchi oxi sozmonni zalea ki mukhel montri BJPik bhion Delhi vochpachem nimit laita mhunnon. Toxench zaitea lokachem mhun’nem assa ki BJP hem sogllem lokak dakounk korta mhunnon.
0 comments:
Post a Comment