Ponnje: Fatlim 6 vorsam thavn Gõyant Ontor'raxtrik Film Utsov zatat. Haka lagun Gõychea sorkaran Ponnjechem xar borench nettoilam. Ratchem bizlechea diveamni zogzogta. Bharoti filmanche songhottnne kodde aslole gunn upeogak ghalear ontor'raxttrik cholchitranchea molar porzoll poddtolo, oxem karyavolliche mukhel soiri Kendr Relve Montri Xmti. Mamta Banerjee-n aplea uloupant sanglem.
Hea Utsovachi ugtavnni tinnem Novembrache 22ver Xmti. Banerjee-n keli. Tichea sangata Bollywodd-acho obineta Ajay Devgan ani Direktor Yash Chopra he ugtavnnek manacho soiro aslo. Gõycho mukhel montri Digambar Kamat, Sobhapoti Pratapsingh Rane, Ran Khateacho Montri Filipe Neri Rodrigues, Rima Sen, Rajeo Mahiti ani Vitravnne Montri Xri C M Jatua ani her manest hajir aslet. Bharoti cholchitr songottnnecher zaito kor (tax) poddlolo asa. Ho kor farik zaina zalear to vhaddot vetolo ani fuddarak unchlea dorjeachim cholchitram dakounk zaunchim nant mhonn Yash Chopra-n sanglem. Kor vhaddta to denvovpachem kam' sorkarachean korum yeta mhonn sanglem.
Gõyant zaitea cholchitranchem shooting zata, oxem aslolean Gõychem nanv sonvsarant porzollunk pavta. Gõychi monoronjon sonvstha oslim vhodd ontor'raxttrik mollavele utsov ghoddun haddta; haka lagun hi ontor'raxttrik mollaveli songhottnna zalea oxem Mukhel Montri Digambar Kamat-an sanglem. (V-I)
0 comments:
Post a Comment