VALPOI: Surla Satarichea ranant kal munxeacho sangaddo meuleleak ganvant bhirantichem vatavoronn upraslem. Tachi azun vollokh mellunk na. Surla vattar Goem-Karnatakache xime laguim assa.
Valpoi pulisani dilele mahite pormonnem, Surlachean sumar tin voranchea ontoracher Narayan Talekarache kazu bagaitint ho sangaddo meulo. To sumar don mhoinea adlo zaun assa. Dadleachea tea sangaddeacher dhovem khomis ani nillem kolsaum assa. Teach kajini Chidambaram Gaonkarachem ghor assa. Tantun soro bhorun dovortale. Tea gharachem dar foddun to bhitor ghelo ani bhorpur soro pielelean ghunvlletuch taka moron ailem aspak zai oso dubau pulisani dakoila. Valpoi pulisani panchanamo kelo ani sangaddo tabeant ghetlo. Fuddle choukoxi chalu assa. Police Up Nirixok Shri Chandrakant L. Naik fuddli choukoxi korta.
0 comments:
Post a Comment