Karnattokantle Igorjecher zal'lea akromonna vixim judicial commission-an opradheanchim nanvam diunk nant dekhun Kristi pongddamni ani rajki pokxamni ttika kelea. Janerache 28-ver judicial commission-an rajeo sorkarak aplo nimanno vako dilo tedna, Kristi somudai dukhi zala, oxem Benglurche Arkidiosezicho Vigar Jeral Msgr. S. Jayanathan potrakarank sanglem. 2008 vorsa sumar 57 igorzancher zal'lea akromonacher chovkoxi korunk Karnattakachea sorkaran adlo vokil, Nitidar Banavar Krishnamurthy Somashekhara, haka vinchun kaddlolo.
Tea 1,000 pananchea vakeant 'khoinchoch niz Hindu' tea akromonnant misoll na mhonn jahir kelem. Sorkar toxench pulis tea akromonant zobabdari na mhonn thoim mell'lem. Akromon zaunche thodde mhoine adim, Bharotya Janata Pokx sodrer aslo. Karnataka United Christian Forum for Human Rights hacho vako bhair uddounk boll kortole mhonn Msgr. Jayanathan-an sanglem.
'To vako chukicho asa mhonn Bellary-cho Bisp Henry D'Souza-n sanglem. Adim Hindu pongodd tea akromonant misoll asa mhonn sangun, Commission-an aplo vako dil'lo mhonn tannem ugddas kelo. Kristanv to vako mandun ghenant mhonn National Council of Churches in India, ho ek Protestant ani Orthodox igorzanchea zomean sanglem. To vako niticher add ani Karnattakachea lokak fottoupacho to ek proitn, oxem Global Council of Indian Christian-achea odheokx Sajan George hannem sanglem. Karnatakachea sorkaran ti chovkoxi CBI-k diunchi mhonn kaidea montri Veerappa Moily-n sanglem. Rajea sorkaran Commission-acher dhobav haddlo ani BJP ani Hindu zomeank meklle kele mhonn Moily-n sorkaracher arop ghalo. (VI)
0 comments:
Post a Comment