EGIPT: Egiptachea desant sumar 18 dis lokan kranti kele uprant Mubarak raxttrpotiche sodrevelo denvlo. 82 vorsanche pirayer pavla astana sodrer ravpachi axa sompeponnim suttlina, lokan bollachi kranti korchi poddli. Kaim mon'xank dusreancher apli podvi zobordosten cholovnk chodd avoddta.
Mubaraka porim amche-i modem tosle Mubarak kitlech asat, bhailean eke toreche bhitorlean veglle toreche. Te zobordostin uloun apnnak zai toxem korop, dusreachem aikunk te toyar nant, aplench sarkem mhonnun tokli voir kaddpache. Dusreank kikont kortat, unnak lekhtat ani dusreank aikunk poddta mhonn dusreank pois uddoitat. Vidhan Sobhent kiteim ghoddta? toslich poristhiti cholta. Sorkaran futt ghalun apunn montri zaunk sodtat. Amdar asun lokachi seva korum nozo? Sogllem zata.
Ponn zannvayechi podvi ani aplem vhoddponn sodtoleak apunn unnea dorjeacho mhonn somzot mhonn tankam bhirant dista. Apun lokache sevek asa mhonn somzota toch monis khoreponnim seva korunk pavta. Oslea monache amkam amdar ani montri amkam kedna mellot?. - VI
0 comments:
Post a Comment