Modganv: Goenchea deullani ghoddun ghelea choriank lagon, bhov korun Saxtti Talukeant, kaim dokxinn Goenche Mahajan fuddem soron orzo keleat dokxinn Goenchea District Magistrate-a laguim, magonk porvangi athiaram uklunk.
Pulis sarkhech ranant poddlea hea voilea voir zalelea choriank lagon. Zorui pulisen sabar tokrari nond keleat ani khas topaspi zomo toear kela heo ghoddneo ou chorio topasunk, torui punn aiz poriant ekui chori sampddonk nam. Hench monant dhorun dokxinn Goenche kaim mahajanani hem paul marlam apnnank bondukechi porvangi diunk surokxe khatir.
Quepem talukentlea deullachea odhikarea pormonnem, deullanchi surokxa ghott korpachi tozvit chol’lea ani heach passot te apli orz gheun dokxinn Goenchea Collectora mureant ghelea apleak porvangi diunk athiar uklunk. Dokxinn Goencho Collector Shri G. P. Naikan kollit kelam ki don deullanchea odhikareani orzo dileat athiaranche porvangek ani heo orzancher karia suru zalam. Porvangi fokot deullanche surokxek ditele oxem tannem fuddem sanglem.
Tannem fuddem oxem sanglem ki kaim deullanchea odhikareani aplim paulam marleant ani aple khas rakhnne nokrek laileat tor kaim zannani pulis surokxa maglea deullam rakhonk toxench kaim vhoddlea deullani pulis dovorche athiaram gheun oxem magnnem kelam
1 comments:
Athiaram gheun khoim vetat tor te? Athiaram ghetlear chor bhietele xe dista konnank?
Post a Comment