Linette Rebello-chea potra pormonnem jem boroilelem eka Goenchea khobre potrak 31ver Janerache 2011, kaim proxnn ube kortat Cipriano-chea pulis tabeantlea morna voir. Tache ixttinichea tokrari pormonnem, ti tachea sangata tachea ghara vochona mhunnon tannem suri gheun tika dhomki dileli, fokot hench assa zoxem tinnem pulisek kollit kelam. Tor hi zaun assa khori tokrar?
Zor tor hich zaun assa tokrar, tor taka kakuti vinnem kiteak marlo tacho jiu luksann zai sor? Khoreponnim anik kitem tori odik astelem. Hem dakoita kitem tori gupit liplelem assa mhunn hea prokornnant, mhunnche liplolo ghutt konnacho tori ath assa, zache budi pormonnem pulisani taka moro passun marlo ani he ostoren tache ixttinin ghuttan dhampun dovorlam hea unchlea odhikareachem naum zache laguim tinnem apli tokrar nond kelea. Tor kitem hi ostori tachi khor ixttin ani Ciprian zaun aslo fokot ekuch ticho ixtt ou anikui ticho unchlea ud’dhear ani chodd mogacho ixtt aslo, zaka zobor ani koddok tiddok aili ani tannem pulisek taka moro passun marunk lailo?
Kaidean achi topas korunk zai konn zait to ho vichitr ixtt ou munis, kiteak pulis eka munxeak bexttech marche nam ani tenvuim zalear osle olke tokraricher. Oi antun kitem tori vichitr karann assa ani hem sodun kaddunk zai.
3 comments:
Police Inspector Sandesh Chodankarak, PSI Ramnathkar ani to constable - ankam tegankui, Cortin ube korun Faxi-echem moronn marunk formonn marunk zai. Nam zalear he akantvaddi Goyche Police lokak marun kabar kortele, politicianachem sagnnem aikon. Deshpande fotti ani bondobazi baxonn diupak ekdom boro assa. Atam kiteak to ogo assa? Atmaram Deshpandei teach gangantlo chor.
Goyche pulis zalear kirmidor. Hem tanchea khatean Goenchem liberation zalam tedna than cholta. Osleani kitlea lokak tannim marun uddoilea mhunnon Devuch zanno. Tor ankam khast kiteak mellona? Hankam kortin kiteak ubhe korinant? Kaido fokot lhan ani ghorib lokakuch kela kitem.
Hea proxnnache zabab konn ditolo? Ho soglo gottallo lipon vetolo so dista. Hea chorank khast laupachi poili thea pulis inspektorak.
Post a Comment