Ponnje: Ghor khatem sarkem cholona. Lokanchea proxnna kodden he khatem ghombhirponnan pollenam oxi khont sobhapoti Pratapsing Ranen kal dakoili. Sobhaghorak grohit dhorpache prokar chalu urle zalear sombhondit odhikareank zababdar dhortele oxi xitkaunni tannem dilea.
Jedna kal porxnn zabab hor suru zalem tedna, ghor montri Ravi Naikan ubo ravon 14(b) ani 18(b) he fatlea adhivexnant fuddem duklun aiz kamkaz potrikecher vicharpak dovorlele tarankit proxnn portun fuddem dukolpachi magnni keli. Sorkarachea veg-vegllea khateani keleleo kitleo guneanvkari kexi choukoxi zainastana poddon asat oso to proxnn also.
Zabab vhodd aslelea karanan ani ti dusrea khateam lagchean eunk naslelean he proxnn portun fuddem dukolpache oxi magnni ghor montrean keli.
Virodhi pokxacho fuddari Manohar Parrikaran sou mhoine zale tori pun proxnnacho zabab mellona oxi khont dakoili andi ghor khatem sarkem cholona he ache velean spoxtt zata oso arop kelo.
Sobhapotii ghor khateacho karbar bolloun tiddkoulo. Ghor khatem sarkem cholona. Lokanchea proxnna kodden he khatem gombhir na oxi tiddok dakoun sobhapotin ghor khateachea odhikreani sobhagharak grohit dhorchem nhoi oxi xitkaunni dili, hea fuddem oxe prokar ghoddot raulear sombhondit odhikareank zababdar dhortolo oxeim tannem spoxtt kelem.
