Suko gorom gimacho temp zaun khobar Pavsachim khallim kupam dekhlim sabar
Zobordost vareacho kulo poddlo kannar
Mollbar zoglam ghodd-ghoddeacho zalo sanvar
Varea borobor zhoddlo pavs gogeani
Borpur udok boron urlem bandiani
Xetkaramni kambol oddun khandani
Nangor-zot ghevn paule ap-aplea xetamni
Zuvank ris, nagor, nirmonem bandun zoddlem zot
Mhattear galun kambod zottak dorlo hat
Boilamchea pattir boddi marun keli survat
Matiecho foddun gunddo chiklacho zalo sat
Xet kelem niloi gallun zota patlean olloi
Khuddol ani kuddlin merank akhar diloi
Supant bim ghevn marli vompoi
Purai xetak sareacho xinvor marloi
Ak’khea xetank irvea rongacho ailo akhar
Xet vaddtana non’necho kelo xikar
Uprant porot sarem marlem xinvorar
Pavsan varean xet vhaddlem nettar
Xet posvolem tontonit konos denvlem muttar
Dhanvttea varear xet hevten-tevten utlem khellar
Omtovlolea konsacho pollevn tambso rupkar
Xet-kamteacho jiv ekdomuch kkoxe-nadar
Kuxallkaien ekttailim sogott mon’xank
Vilo ghevun hatant nivon’necho sad ghatlo xetank
Nivlolem dan ghalun merer sodlem sukpak
Sukon zatoch dan kaddlem guddiak
Umedin mon’nechem kholl kelem toyar
Guddiachen dan ghalun boilank bandle khollar
Monni zatoch bat supant ghalun dilem vareak
Batachi ras pollevn xetkareamni argham dilim Devak
Tuesday 14 June 2011
Subscribe to:
Post Comments (Atom)
3 comments:
Xabaski tuka Freddy Bab. Bori kovita. Ugddas ailo amchea adlea tempailo. Boroi't rav godtta zalear and vell mellta zalear.
Bab DLP tum Konkani bori boroitai, tor tuje lekh kiteak pattoinai hea potrar?
Padre Jose Anton da Costa Vasco igorjent vavurta, poilo navelim aslo, hacho sobit mado aikat "setembracho mhoino atam pavlo"
Post a Comment